حکومت اور بزنس کمیونٹی کا مستقبل افغانستان اور سینٹرل ایشیا ہے، معاون خصوصی صنعت و تجارت

پشاور(کامرس رپورٹر)چیمبر اف سمال ٹریڈرز ایند سمال انڈسٹری کا جنرل باڈٰی اجلاس گذشتہ روز منعدقد ہوا جس میں مہمان خصوصی معاون خصوصی صنعت و تجارت عبدالکریم تورڈھیر،سابق سینٹر حاجی زبیر علی، میئر پشاور حاجی زبیر علی ،مرکزی تنظیم تاجران خیبر پختونخوا کے صدرملک مہر الہیٰ، سابق صدور پشاور چیمبر عدنان جلیل، خالد فاروق ملک، ممبران اور مختلف بازاروں کے صدور  نے شرکت کی، اجلاس سے خطاب کرتے ہوئے نو منتخب صدر سلمان الہی ملک نے کہا کہ چھوٹے تاجروں کے مسائل کو ہر ممکن طریقے سے حکومتی اداروں سے مل بیٹھ کر حل کرنے کی کوشش کرونگا، حاجی غلام علی نے کہا کہ تمام عہدیدران نے محنت سے پورے ملک میں پشاور چیمبر کو روشناس کروایا امید کرتا ہوں کہ نومنتخب صدر ایگزیکٹیو ٹیم کیساتھ مل کر پشاور چیمبر کو مزید مظبوط اور بہتری کی جانب گامزن کریں گے، مرکزی تنظیم تاجران خیبر پختونخوا کے صدرملک مہر الہی نے کہا کہ صوبائی حکومت اوقاف کی جائیداد کا مسئلہ کافی حد تک حل کر چکی ہے لیکن اس کو مکمل طور پر حل کرنا ہے اجلاس سے خطاب کرتے ہوئے معاون خصوصی صنعت و تجارت عبدالکریم تورڈھیر نے کہا کہ خیبر پختونخوا اکنامک کوریڈور 510 ملین ڈالرز کا منصوبہ ایوارڈ ہو چکا ہے حکومت اور بزنس کمیونٹی کا مستقبل افغانستان اور سینٹرل ایشیا ہے راست کے ذریعے چھوٹی انڈسٹری کو 15 ارب روپے دیئے جا رہے ہیں اس حوال سے چھوٹے چیمبروں نے اپنے تاجروں میں شعور پیدا کرنا ہے اور چھوٹے تاجروں کو نئی ٹیکنالوجی کے ذریعے منسلک کرنا ہو گا ۔